Tuesday, February 14, 2012
Book II Chapter 8: Game Over?
9:44 AM | 
Posted by
ceezza
Game Over?
Ana
Parang tumigil ang oras ko habang magka-cross finger kami ni Joshua. Sa isip-isip ko, ano ba tong napasukan ko? Isang larong alam ko naman na bago pa man mag-umpisa ay talo na ako. Itong tukmol na toh kasi, pa-cute ng pa-cute, hindi ko tuloy mapigilan ang sarili kong mahulog sakanya. Pero akala niya mapapaamin niya ako sa pagchacharming niya, hindi ako magpapatalo sakanya! Titiyakin kong ako ang mananalo sa pustahang ito. Humanda ka Joshua.
"Hoy Ana! Baka gusto mo ng bitawan daliri ko?" panggigising ni Joshua sakin mula sa aking pagmumuni-muni.
"Sorry naman ah? Ang higpit kaya ng pagkakaipit mo." sagot ko sakanya habang tinatanggal ang pagkakacross ng aming mga daliri.
"Asuuus. Ako pa ngaun? Isang daliri pa nga lang yang hawak mo enjoy na enjoy ka na, paano pa kaya kung buong kamay ko na hawak mo?" pabirong sagot naman ni Joshua na may halo nanamang pagpapacute.
"Kunyari ka pa, ikaw naman talaga may gustong humawak sa kamay ko. O yan hawakan mo na." sagot ko naman sakanya habang pabirong iniabot ang kamay ko sakanya.
Nagulat ako ng ipinatong nga ni Joshua ang kamay niya sa kamay ko at hinawakan niya ito ng mahigpit na mahigpit. Ayoko ng ganyan ka Joshua baka lalo akong matalo sa pinaggagagawa mo, sa isip-isip ko. Kaya naman gumawa ako ng paraan para magkabitiw ang mga kamay namin. Inalis ko ang kamay ko mula sa pagkakahawak ni Joshua.
"Aray naman!" sabi ko habang inalis ang aking kamay.
"Grabe naman toh. Hinawakan lang ung kamay aray agad." natatawang sagot ni Joshua.
"Ang higpit kaya ng pagkakahawak mo, sabi na nga ba eh kunyari ka pa. Gustong-gusto mo lang naman talaga hawakan ang kamay ko." sabi ko naman sakanya.
"Hindi, naalala ko lang kasi ung kamay ni Chloe. Sorry kung napahawak ako ng mahigpit." medyo malungkot na pagsagot sakin ni Joshua.
Nang mga sandaling un ay nakaramdam ako ng kirot sa puso ko. Akala ko pa naman talagang gustong hawakan ni Joshua ang kamay ko, un naman pala naalala nanaman niya ang Chloe niya.
"Sino ba si Chloe? Lagi mo nalang binabanggit, pati ako pinagkakamalan mo pang Chloe." pagtatanong ko sakanya.
"Oh bakit ka nagseselos?" pangiting tanong ni Joshua.
"Hindi ako nagseselos noh, nagtatanong lang ako." may pagsusungit kong sagot sakanya.
"Eh bakit ang sungit mo?" patuloy na pang-iinis ni Joshua.
Sa inis ko ay napatayo mula sa aking pagkakaupo at napalakad papalayo.
"Bahala ka nga diyan. Feeling mo naman nagseselos ako." sabi ko.
"Ang sungit mo talaga. Kauumpisa palang ng pustahan natin nagpapatalo ka agad eh. Pahirapan mo naman ako kahit papano." panlolokong sagot ni Joshua habang lumalakad papalapit sakin.
"Kapal mo talaga." ang tanging naisagot ko.
"Tara na nga uwi na tayo. Hatid na kita sainyo." ang sabi ni Joshua nang maabutan niya ako at sabay akbay sa aking balikat.
Nagpansinan rin naman kami ni Joshua at bumalik sa normal habang bumabyahe kami pauwi.
Kinabukasan, maaga akong pumasok ng school at dumirecho ako ng locker para kuhanin ang mga gamit ko. Napansin kong may isang papel na nakatupi kaya agad ko naman itong kinuha at binuksan. Isang computerized letter ang nakita ko.
I should have told you how I felt then
Instead, I kept it to myself, yeah
I let my love go unexpressed
'Til it was too late
You walked away
Kanino kaya toh nanggaling? Nalalabuan ako. Baka naman wala lang mapagtapunan ung mokong na un at sa locker ko pa tinapon. Kapal ng mukha nun.
Nasa kalagitnaan ako ng pag-iisip nang tumunog ang bell kaya naman isiningit ko nalang sa aking libro ang papel na nakuha ko at pumunta na ng classroom.
Normal lang ang naging takbo ng araw nito para sakin maliban nalang nang mag-uuwian na.
"Ana, una na ako umuwi ha. Aalis kasi si papa bantayan ko si mama. Text nalang kita. Cge alis na ako." paalam ni Joshua sakin habang naglalakad na pauwi.
Hindi na ako nakaimik dahil medyo malayo-layo na siya. Lokong un iniwan ako, pauwi narin naman dapat ako eh. Makatambay na nga lang muna saglit dito sa school. Ilang minuto rin siguro ang lumipas nang makatanggap ako ng text mula kay Joshua.
snsya na puwing.
klngan ko lng tlga umuwi
ng maaga. ILY. ΓΌ
Sender:
Joshua
Labels:
Subscribe to:
Post Comments (Atom)
0 comments:
Post a Comment