Monday, March 26, 2012
Book II Chapter 25: Busted
8:40 AM | 
Posted by
ceezza
Chloe
Nasa harapan ko ngayon ang mga nagpapatunay na pinagsisinungalingan ako ni Cyrus. Ang invitation, ang text message ng Mommy niya at ang.. ang CELLPHONE KO! Lalong bumuhos ang mga luha ko, all this time nasa kanya lang pala ang pinanghihinayangan kong akala ko ay nawala ko na. Bakit kailangan niyang magsinungaling sa akin? Bakit kinailangan niyang itago ang mga ito? Ano na ba talaga ang nangyayari sa kanya? Ilang minuto akong paiyak iyak dun sa loob ng kotse, halos nakalimutan ko na na hindi pa pala tapos ang event. Kaya pinilit kong pakalmahin ang aking sarili, huminga ako ng malalim, kinuha ang pressed powder at nagretouch ng konti. Medyo mapula na ang aking mga mata, buti nalang waterproof ang ginamit kong make-up. Habang tinititigan ko ang sarili ko sa maliit na salamin pinipilit ko pa din na hindi maiyak, pinilit ko ding ngumiti, pero wala pang dalawang segundo bumagsak na naman ang luha ko. Inhale, exhale na naman ang aking ginawa, lumabas na ako ng kotse para makasagap ng konting hangin, tinuyo ko muli ang mga luha na dumaloy sa aking pisngi, kinuha ko ang invitation, ang cellphone niya at cellphone ko. Tinago ko ang mga iyon sa pouch bag ko, para magkasya iniwan ko na ang camara ko dahil wala na akong ganang magpapicture. Ang invitation lang ang hindi nagkasya. Tumayo ako ng maayos at huminga muli ng malalim.
Nagdesisyon akong bumalik sa party para kausapin at tanungin si Cyrus, gusto kong malinawan, gulong gulo na talaga ako. Nang malapit na ako sa entrance ng party, may nakita akong babaeng umiiyak sa gilid ng isang kotse, hindi ko sana siya pupuntahan dahil may pinoproblema din ako ngayon pero nakakaawa naman, kaya pinuntahan ko na din siya. Broken hearted, ex-boyfriend niya ang isa sa mga batchmates namin, nagkwentuhan kami, hindi ko siya iniwan hanggang sa tumigil siya sa pag-iyak, matapos ay umalis na siya at pumunta na ako sa party. Sa pagkakataong ito sa right alleyway na ako dumaan, dahil malamang doon dumaan si Cyrus kanina, nagkasalisi siguro kami. Sa dulo ng alleyway..
"Chloe!!" sigaw ng isang lalaking batchmate namin.
"Oh Jaycee?" tanong ko sa kanya.
"Hinahanap ka ni Cyrus!" sabi niya sa akin.
"Asan siya?" tanong ko sa kanya.
"Lumabas e, hindi ko alam kung saan pupunta.." sagot niya sa akin. Naku! Nagkasalisi na naman kami malamang sa kaliwang banda naman siya dumaan, bakit ba kasi dalawa ang daanan dito? Pareho naman pwedeng entrance at exit.
"Uy, salamat ah! Puntahan ko lang siya.." pagpapasalamat at pamamaalam ko sa kanya. Papalabas na sana ako ng biglang may humatak sa akin.
"Where do you think you're going?" sabi sa akin ng assistant ni Sir Flo, ung dati naming dance instructor.
"Uhmm, susundan ko si Cyrus." nagtatakang sabi ko sa kanya. Bakit ba kasi ako nito hinatak?
"I've been looking you for ages!" exagerated niyang sabi sa akin, anong ages ang pinagsasasabi nito. "Kanina ka pa sa akin pinapahanap ni Sir Flo, tara na!" sabi niya sa akin habang hinihila niya ako papunta sa kung saan.
"Bakit ba?" tanong ko naman sa kanya. "Just follow me!" mataray na sabi sa akin. Ano pa ba nga bang magagawa ko kundi ang sumunod.
"Ok, pero pwede ba bitawan mo na ako, baka magkapasa ako." mahinahong sabi ko sa kanya. Matapos nun ay binitawan na niya ako, sinundan ko siya. Nakita ko na sa isang kumpol na tao kami papunta. Ano kaya ang pautot ni Sir Flo, nang makarating na kami dun, nakita ko ang lahat ng nakasama namin ni Joshua sa dance competition, syempre andoon si Joshua, pati si Janine andun. Ano kayang meron?
Cyrus
"Brad, nakita mo ba si Chloe?" tanong ko sa isang kabatchmate namin.
"Hindi eh.." sagot niya sa akin. Nagpasalamat ako at umalis.
Bumalik ulit ako dun sa may cocktail bar, naisip ko baka may alam si Janine. Nakakaloko ang mga tingin at ngiti niya kanina, pero pagpunta ko dun wala na siya dun, umorder ako ng drinks at nagmasid masid ako sa palagid at nakita ko si Joshua sa gitna, may kasayaw, nakatalikod ang kasayaw niya, nakapatong ang mga kamay nito sa balikat ni Joshua at nakakapit naman si Joshua sa bewang nung babae, parang si Chloe yun. Nainom ko ng mabilis ang drinks na naorder ko. Mukang si Chloe nga yun, si Chloe na nga yun.
Umalis ako sa cocktail bar para puntahan sina Joshua at Chloe, hindi nila ako napapansin na papalapit dahil enjoy na enjoy sila sa pagsasayaw. Itong si Joshua may girlfriend na e sinasayaw pa ang girlfriend ng may girlfriend. nang malapit na ako sa kanila, kinapitan ko sa braso ang babaeng kasayaw ni Joshua..
"CHLOE COME HEEEERE!" sabi ko sa kanya habang hinahatak ko siya.
"SAAIIII!" sigaw naman sa akin ni Joshua.
"What the hell!" sabi ng babaeng kasayaw kanina ni Joshua na ngayon ay kapit kapit ko sa braso. Nagulat ako ng makita ko ang kanyang muka. "What's wrong with you Cyrus?" pasigaw na tanong sa akin ni Janine.
Patay! Si Janine pala yun, akala ko si Chloe.
"Ano bang problema Sai?" medyo naiiritang tanong sa akin ni Joshua.
"A-akala ko si Chloe!" nauutal na sagot ko.
"You're really out of your mind! Do I look like Chloe? Plus, colorblindness ka ba?" sunod sunod na pagtataray sa akin ni Janine kahit pinipigilan na siya ni Joshua. "Josh, hindi ba niya nakita? Purple ang damit ko, ang kay Chloe pink! Long dress ang sa akin, ang sa kanya short lang! Ang sakit ha!" tuloy tuloy na pagtataray niya.
Tama naman siya. Hindi ko naisip yun, hindi ko napansin. Magkaiba sila ng suot, magkaiba ng kulay at magkaiba din naman sila ng buhok. Naku! tanga ko talaga, pinairal ko ang init ng ulo ko.
"I'm sorry!" ang tangi kong nasabi at nagmadali akong umalis dun. Hindi ko alam kung saan ako pupunta hanggang sa napadpad na ako sa CR. Humarap sa salamin at kinausap ang aking sarili..
"You're mad Cyrus! Baliw ka na!" sabi ko sa sarili ko habang nakaharap sa salamin. "Aaaaaaarggggggggggghhhhhhhhhh!" sigaw ko dahil sa kaasaran ko sa sarili. Maya maya ay may pumasok..
"May problema ba?" tanong niya sa akin.
"Wala!" mabilis na sagot ko sa kanya, lumabas na siya. Ako naman ay naghilamos ng malamig na tubig para mahimasmasan. Nagtuyo ako at nag-isip isip, kung hindi kasama ni Joshua si Chloe, asan siya? Bigla kong naalala na nasa kanya pala ang susi ng kotse, na dapat kukunin ko, nakalimutan ko na ng dahil sa kapraningan ko. Kaya pumasok sa utak ko na baka pumunta siya sa kotse, at, at.. at patay na talagaaaaaa..
Nagmadali akong lumabas ng banyo para pumunnta sa parking lot, kapag may nakakasalubong ako nagtatanong tanong ako kung nakita nila si Chloe at iisa lang ang sagot nila.. HINDI! Ano ba yan, nakalabas na ako't lahat wala pa si Chloe. Habang papunta ako sa parking lot may nakita akong dalawang babae sa tabi ng isang kotse, nag-uusap. Ano kayang meron? Baka magkapatid, o kaya magkaibigan o magsyota? Kung ano ano na naiisip ko, nang malapit na ako sa kotse lalong bumibilis ang kabog ng dibdib ko, makikita ko na ba dun si Chloe? Nakita na kaya niya ang mga bagay na ayaw kong makita niya? Bakit ba kasi dun ko naisipang itago ang mga yun, naaasar ako sa sarili ko. Nasa may kotse na ko pero wala siya dun, asan kaya siya?
Andun lang ako sa may kotse, nakatayo, nagpapahinga, nag-iisip, ayoko na ulit gumawa ng kapalpakan. Asan na ba si Chloe? Para naman akong naghahanap ng nawawalang 3 year old kid. Umuwi na kaya yun? Baka nakita na niya tapos sa sama ng loob iniwan na ako at nagcommute nalang pauwi. Matawagan nga. Kaya lang wala sa akin ang cellphone ko.. Manghihiram nalang ako.
Sa may entrance, kinausap ko ang isang batchmate namin, nanghiram ako ng cellphone, tinatawagan ko ang landline nila Chloe, pero walang sumasagot. Paulit ulit kong dinial, pero wala pa din. Maya maya may lumabas para tawagin si Jun, ang hiniraman ko ng cellphone..
"Jun sweety tama na yosi, tara sa loob, may nagpeperform.." sabi ng girlfriend niya.
"Sino?" tanong ko sa kanya.
"Hindi ko kilala e, pero sumali na daw ang mga yon sa competition ng school niyo dati.." sagot sa akin ng girlfriend ni Jun na hindi naman nag-aral sa high school na pinag-aralan namin. Isinoli ko ang cellphone niya at nagpasalamat, pumasok na sila sa loob.
Nakalipas ang halos isang minuto, "Teka, competition? Dance competition? Si Joshua at Chloe? Sina Sir Flo?" sunod sunod na tanong ko sa sarili ko. Hindi ko namalayan na tumakbo ako papasok hanggang sa hinihingal akong napatigil sa aking nakita.
Chloe
"At last, you're here Ms. Yu!" sabi ni Sir Flo, napangiti nalang ako sa kanya at sa iba ko pang kabatchmate. "Kanina ka pa namin hinihintay.." sabi niya sa akin, bago pa ako makapagsalita para tanungin kung bakit eh nagsalita na ulit siya.. "I want you guys na iperform ulit ang sayaw na ipinanlaban natin nuon sa competition, siguro naman hindi niyo pa yun nakakalimutan coz I know that you guys are bunch or professionals, am I right? If ever na limot niyo na, here's a copy of our performance.." pagpapatapos niya.
Ipinakita niya sa amin ang record ng sayaw namin sa isang laptop. Hindi ko pa naman nakakalimutan ang mga steps, isinapuso ata namin ang steps kaya imposibleng makalimutan namin yun. Pagkatapos namin manuod..
"In 5 minutes magpeperform na kayo ah, so be ready!" sabi niya at pumunta siya sa may DJ.
Nilapitan naman ako ni Joshua at Janine..
"Goodluck Chloe, kaya niyo yan ni Josh!" sabi sa akin ni Janine.
"Salamat!" sabi ko sa kanya. "Pero kinakabahan ako, ewan ko ba." pagpapatuloy ko.
"Okay lang yan, by the way, where's Cyrus? Maganda sana kung suportahan ka niya." tanong niya sa akin ni Janine.
"Kanina ko pa nga hinahanap e, nasa parking siguro, pupuntahan ko na sana kaya lang hinatak ako ng assistant ni sir Flo." sagot ko naman sa kanya.
"Chloe, okay lang ba?" tanong sa akin ni Joshua.
"Ang alin?" balik na tanong ko naman sa kanya.
"Itong sayaw, kasi may part na sensual di ba?" sagot sa akin ni Joshua.
"Urmm, sa akin okay lang, request naman ni Sir Flo." medyo tagilid na sagot ko sa kanya.
"Josh, there's nothing wrong, magpeperform lang kayo. Cyrus should understand." sabi naman ni Janine na puno ng kompyansa. "Goodluck sa inyong dalawa!" pagpapatuloy niya. Paalis na sana siya para kumuha ng magandang pwesto para mapanuod ang sayaw namin, nang biglang..
"Hoy! San ka pupunta?" sabi ni Joshua. "Sa harap ng stage, malamang!" sagot sa kanya ni Joshua.
"Asan ang good luck kiss ko, ha?" paglalambing ni Joshua habang inilapit niya ang pisngi niya kay Janine.
"Kiss ka diyan!" sabi ni Janine sabay batok kay Joshua. Tumingin siya sakin.. "Goodluck sa inyong dalawa." pagtatapos niya.
Maya maya pa ay tinawag na kami at nagsimula ng magsayaw.
Narrator
"Chloe, sure ka ba talaga? Baka mag-away kayo ni Sai." tanong ni Joshua kay Chloe habang papunta na sila sa backstage.
"Ang kulit mo naman, una sa lahat hindi ko idea to, pangalawa, request to ni Sir Flo minsan lang ang reunion, pangatlo, hindi naman siguro gagawa ng eksena si Cyrus at pang-apat hindi ko alam kung nasaan siya ngayon." pagpapaliwanag ni Chloe.
"Sorry, nag-aalala lang naman ako sa'yo e, ayokong nag-aaway kayo ni Sai dahil nasasaktan ka at nasasaktan din ako.." nakatungong sabi ni Joshua kay Chloe, napangiti naman si Chloe.
"Salamat sa pag-aalala ah, hindi ka pa din nagbabago, caring ka pa din." sabi ni Chloe.
"Of course naman, you're still my baby! Ayt?" pasweet na sabi ni Joshua sa kanya sabay kurot sa pisngi.
"Aray Daddy!" angal naman ni Chloe at sinuntok niya ng mahina sa balikat si Joshua.
Sa hindi kalayuan, kitang kita ni Janine ang konting kulitan ng dalawa..
"Bagay sila, kailan kaya matatauhan si Chloe? I think they're destined to each other.. Kahit hindi sila nag-eeffort na magkasama, nagkakasama pa din sila.." nakangiting sabi niya habang pinagmamasdan ang dalawa.
"Ladies and gentlemen, please welcome this batch's dance group!" sabi ni Sir Flo sa mic at nagpalakpakan ang lahat. Nagsimula nang tumugtog at sumayaw ang mga kasamahan nila Chloe at Joshua habang sila ay nasa likod pa din ng stage, naghihintay ng turn nila.
"Kinakabahan ka ata." pagpuna ni Joshua kay Chloe.
"Medyo.." mahinang sagot niya.
"Don't worry, andito ako.. Hindi kita papabayaan, okay?" sabi naman ni Joshua kay Chloe habang nakangiti, napatingin din naman si Chloe kay Joshua, nagkatitigan sila..
"Ready?" tanong ni Joshua. Napatango naman si Chloe, kinapitan ni Joshua ang kamay ni Chloe at sabay na lumabas mula sa backstage. Nagkantsawan ang mga tao ng lumabas sila, pati si Janine ay napasigaw na.
Masaya si Janine para sa bestfriend niyang si Joshua. "Finally, sasaya na naman ang puso ni Pare!" ang sabi niya sa kanyang sarili habang pumapalakpak na pinapanuod ang dalawa sa kanilang medyo sensual part na sayaw. Tuwang tuwa siya dahil andaming natutuwa sa performance ng dalawa, napalingon siya sa mga nanunuod at sa di kalayuan ay nakita niya si Cyrus, hinihingal at mukang may balak na hindi maganda, nagpatigil sa pagngiti at pagpalakpak si Janine.
Nagsimulang maglakad si Cyrus papunta sa harapan, nakatingin lang naman si Janine sa kanya. Sa isip isip ni Janine, lalapit lang si Cyrus para makita niya ng mas maayos ang dalawang nagpeperform. Pero nang nakita niyang hindi humihinto si Cyrus ng pagpunta sa harapan at malapit na sa may sa stage, nagmadali itong pumunta kung nasaan may si Cyrus.
"Sai!" sigaw niya nang medyo malapit na siya kay Cyrus. "Mr. Bernaaaaaaaaaal!" mas malakas na sigaw niya, pero hindi ito narinig ni Cyrus dahil malakas ang sound system. Lalong binilisan ni Janine ang paglalakad na halos tumakbo na siya, nang malapit na si Cyrus sa hagdan paakyat ng stage naabutan na siya ni Janine.
Nagulat si Cyrus nang merong kumapit sa braso niya ng mahigpit, napalingon siya at nagulat na naman siya ng nakita niya kung sino ang pumipigil sa kanya.
"What are you doing?" seryosong tanong ni Cyrus.
"Isn't it obvious? O kinain na ng katangahan mo ang utak mo?" pagtataray ni Janine kay Cyrus.
"Matalas na talaga ang tabas ng dila mo Janine, you've improved! " sabi ni Cyrus. "But nobody can stop me." pagpapatuloy ni Cyrus at pumalag siya. Ngunit mahigpit ang pagkakakapit ni Janine kaya hindi ito nakawala.
"Do you really think na makakabitiw ka sa pagkakahawak ko sayo?" nakataas kilay na tanong ni Janine. Napakunot noo naman si Cyrus dahil sa kahit anong piglas nito hindi ito nakawala sa pagkakapit niya.
Malakas na ngayon si Janine, kaya full confidence siya sa lahat ng bagay ay dahil nung nasa New Zealand siya ay nag-aral siya ng Martial Arts. Kung saan tinuruan sila ng self-defense at kumpyansya sa sarili. Sa halos dalawang taong pag-aaral niya nun mabilis siyang nakakuha ng mataas na belt.
"Wondering?" tanong ni Janine kay Cyrus na may kasamang nakakalokong ngiti, pilit pa din pumapalag si Cyrus. Hinila ni Janine si Cyrus papalapit sa muka niya.. "Hindi ka makakawala unless bitawan kita, gusto mong ipahiya ang sarili at si Chloe?" pagpapatuloy ni Janine.
"Kapag hinila ko dun si Chloe, tatlo kaming mapapahiya, damay ang boyfriend mo!" mayabang na sabi ni Cyrus. Natawa naman si Janine sa sinabi ni Cyrus at binitawan na niya ito.
"Is that so?" nakataas kilay na namang tanong ni Janine. "Don't forget that I'm here, when I'm around hindi mapapahiya si Joshua." pagpapatuloy niya.
"Talaga? Bakit? Kaya mo bang palitan si Chloe? Marunong ka bang sumayaw? Alam mo ba ang mga dance steps?" sunod sunod na tanong ni Cyrus.
"Why don't you try embarass yourself and your girlfriend.." hamon ni Janine sa kanya. Patakbong umakyat si Cyrus sa hagdan, naisip niya na baka pigilan siyang muli ni Janine. Sumunod naman si Janine na para bang walan nangyari.
Nang dahil sa pag-uusap ng dalawa, natapos na ang medyo sensual dance nila Chloe at Joshua, pagdating ni Cyrus sa taas ng stage, final phase na ang sinasayaw, ang group dance. Pumunta si Cyrus sa gitna ng stage, sinusundan pa din siya ni Janine. Napansin iyon ng mga nanunuod, kaya nagtaka sila, hindi naman kaagad napansin iyon ni Chloe at ni Joshua dahil masaya silang nagsasayaw at nakaharap sila sa audience. Laking gulat nalang nila ng hinatak ni Cyrus si Chloe, kitang kita sa mga mata ni Chloe ang pagkadisappoint sa ginawa ni Cyrus, ganun din naman si Joshua. Lalong nagulat si Joshua ng nakita niya si Janine sa likod ni Cyrus na nakangiti.
Paindak indak na lumapit si Janine kay Joshua. "Don't worry Josh, keep on dancing!" nakangiting sabi ni Janine, hindi alam ni Joshua ang nangyayari, nagulat siya, pero nakinig nalang siya kay Janine at sumayaw nalang. Si Janine ang pumalit kay Chloe na hinila pababa ni Cyrus sa stage.
Nang nasa baba na ng stage si Cyrus habang kapit kapit si Chloe ng mahigpit, napatingin siya kay Janine at Joshua, nagulat siya dahil nakakasabay si Janine sa mga steps nila. Nang pumiglas si Chloe sa kanya tsaka muling nabaling ang atensyon niya sa kanyang girlfriend. Patakbong pumunta si Chloe sa isang table para kunin ang mga iniwan niya dun at nagmamadaling lumabas ng building. Sinundan siya ni Cyrus.
"Anong kalokohan ang ginawa mo dun sa stage, Chloe?" nanggagalaiting tanong ni Cyrus.
"Kalokohan?" naiiyak na tanong ni Chloe. Binuksan si Chloe ang pouch bag niya at inilabas ang cellphone niya at cellphone ni Cyrus. Ipinakita niya ang mga yon kasama ang invitation kay Cyrus. "Ito ang kalokohan! ANONG KALOKOHANG TO CYRUS?" pasigaw na tanong niya. Hindi nakaimik si Cyrus, natigilan siya at napatingin sa baba.
"ANO? HINDI KA MAGSASALITA?" galit na galit na tanong ni Chloe, hindi pa rin makapagsalita si Cyrus, hindi niya alam ang sasabihin niya, ni hindi siya makatingin kay Chloe.
"ANO TOOOOOOOOOOOOOOO?" muling tanong ni Chloe na sa pagkakataong yun, ibinato niya ang mga yun kay Cyrus.
"I, I.. I am sorry!" nauutal na sabi ni Cyrus. Pero bale wala iyon kay Chloe, dahil sa mga oras na yun sobrang nasasaktan siya. Naglakad si Chloe papunta sa loob, susunod sana si Cyrus..
"Huwag mo kong susundan!" sabi ni Chloe, kinuha niya ang susi ng kotse sa pouch bag niya at binigay iyon kay Cyrus.
Labels:
Subscribe to:
Post Comments (Atom)
0 comments:
Post a Comment